小 龍 女 陳 玉 蓮 早 排 同 幾 個 朋 友 去 咗 四 川 地 震 災 區 做 義 工 ， 出 錢 買 物 資 畀 災 民 ， 又 同 朋 友 自 己 揸 車 由 廣 州 去 到 北 川 、 都 江 堰 以 及 綿 陽 等 災 區 做 探 訪 ， 一 做 就 做 咗 兩 個 幾 月 。
蓮 妹 早 幾 日 話 ： 「 我 哋 去 啲 好 窮 嘅 地 方 ， 搵 啲 真 係 有 需 要 而 同 我 哋 有 緣 份 嘅 小 朋 友 嚟 助 養 ， 供 佢 哋 讀 書 同 生 活 ， 如 果 個 小 朋 友 有 演 戲 天 份 ， 我 都 可 以 幫 佢 入 娛 樂 圈 o架 。 」

喺 四 川 災 區 度 有 好 多 小 朋 友 冇 書 讀 ， 蓮 妹 喺 嗰 度 搵 同 佢 有 緣 嘅 細 路 嚟 助 養 。

蓮 妹 喺 課 室 度 介 紹 佢 嘅 首 本 戲 《 神 鵰 俠 侶 》 畀 小 朋 友 認 識 。

講 到 今 次 有 乜 深 刻 體 驗 ， 蓮 妹 話 ： 「 北 川 有 個 校 長 個 太 太 同 個 女 喺 地 震 嗰 陣 死 咗 ， 但 佢 仍 要 帶 成 班 學 生 去 到 綿 陽 ， 真 係 好 感 動 。 另 外 ， 有 啲 災 民 以 為 我 哋 係 政 府 官 員 圍 住 我 哋 ， 原 來 地 震 之 後 政 府 話 每 人 派 250 蚊 （ 人 民 幣 ） 畀 佢 哋 ， 但 到  家 都 未 收 到 錢 。 」
曾 同 蓮 妹 拍 過 拖 嘅 周 潤 發 ， 最 近 亦 搞 咗 個 攝 影 展 為 災 民 籌 款 ， 蓮 妹 笑 笑 口 ： 「 如 果 佢 請 我 ， 我 會 去 o架 ！ 我 好 贊 成 每 個 人 利 用 自 己 嘅 才 能 去 籌 款 ， 有 錢 出 錢 ， 有 力 出 力 。 」 欣 唔 欣 賞 發 哥 咁 做 ？ 蓮 妹 就 咁 講 ： 「 不 嬲 都 欣 賞 佢 o架 啦 ， 佢 對 人 好 好 ， 係 真 心 對 每 一 個 人 ， 好 似 以 前 電 視 台 班 幕 後 仲 有 同 佢 聯 絡 ， 發 哥 每 年 都 會 同 佢 哋 食 一 次 飯 。 」
 

蓮 妹 去 到 遍 地 泥 濘 嘅 地 震 災 區 做 義 工 ， 出 錢 又 出 力 。